Zabit paytaxın şimalında yaşayıb
Moskvada mənzillərin birində Federal Təhlükəsizlik Xidmətinin (FTX) generalının meyiti tapılıb.

Sputnik Azərbaycan Rusiya mətbuatına istinadla xəbər verir ki, bu barədə hüquq-mühafizə orqanlarında olan mənbə məlumat verib.

Onun sözlərinə görə, zabit paytaxın şimalında yaşayıb. Orada FTX-nın təqaüd vəsiqəsi də aşkarlanıb. Mənbənin məlumatına əsasən, meyitin üzərində heç bir zorakılıq əlamətləri aşkar edilməyib. Hazırda hüquq-mühafizə orqanları kişinin hansı səbəbdən öldüyünü araşdırır.

Qeyd edək ki, dünyasını dəyişmiş 59 yaşlı Sergey Sokolov FTX-nın idarələrindən birində rəhbər vəzifədə çalışıb. Onun mənzilində odlu silah, Glock tapançası, travmatik tapança, ov tüfəngi və 150 güllə aşkarlanıb.