Dekabrın 19-da səhər saatlarında Avstraliyanın şərq sahillərində yüngül mühərrikli təyyarə suya düşərək qəzaya uğrayıb.

Publika.az xəbər verir ki, bu barədə "Reuters" məlumat yayıb.

Bildirilib ki, qəza nəticəsində ikisi uşaq olmaqla 4 nəfər həlak olub.

69 yaşlı pilotun üç sərnişini (bir kişi və iki uşaq) gəzintiyə çıxardığı bildirilir.

Təyyarə havaya qalxdıqdan az sonra Brisben şəhərinin şimal-şərqindəki bataqlıq əraziyə düşüb.

Polis həlak olanların şəxsiyyətini müəyyənləşdirir.