İtaliyada iki yaşlı qız koronavirus nəticəsində yaranan ağırlaşma səbəbindən vəfat edib.

Ölkə mediasının məlumatına görə, azyaşlı Kalabriya bölgəsindəki Katanzaro şəhərindən Romadakı “Bambino Gesu” (“Körpə Məsih”) klinikasına gətirilib.

Onun tibb müəssisəsinə çatdırılması üçün İtaliya Hərbi Hava Qüvvələrinə məxsus təyyarədən istifadə edilib.

Lakin həkimlərin bütün səylərinə baxmayaraq, qızcığazın həyatını xilas etmək mümkün olmayıb.

Mənbə: argumenti.ru