İsrailin Təl-Əviv şəhəri yaxınlığında ilan kirpini udmağa çalışıb.

Publika.az xəbər verir ki, bu barədə “The Jerusalem Post” məlumat yayıb.

Sürünən tapılanda ağzında kirpi ilə yerdə hərəkətsiz uzanmış olub.

İsrail Təbiət və Parklar Təşkilatının sürünənlər üzrə mütəxəssisi Aviad Bar tərəfindən müəyyən edilib həmin ilan Doliçopiş juqularis növünə aiddir və zəhərsizdir.

Barın sözlərinə görə, ilan ovunu yarıya qədər udmağı bacarıb, daha sonra onu tüpürməyə çalışıb, lakin kirpinin bir istiqamətə yönəldilmiş oxları üzündən buna nail ola bilməyib. Bu, hər iki heyvanın ölümü ilə nəticələnib.

İsraildə təxminən 41 növ ilan var. Onların əksəriyyəti insanlar üçün təhlükəli deyil və yalnız doqquz növü zəhərlidir.