Dünyanın ən varlı qadını haqqında danışanda, söhbət təkcə milyardlarla dollardan getmir. Burada həm də bir ailənin qurduğu imperiyanın mirası, qlobal ticarətə təsir və cəmiyyətə yön verilən xeyriyyəçilikdən bəhs olunur. 2025-ci il reytinqinə əsasən, dünyanın ən zəngin qadını “Walmart” imperiyasının varisi Alisa Volton olub.

Valyuta.az xəbər verir ki, onun sərvəti 118 milyard ABŞ dolları qiymətləndirilir.

Alisa Volton kimdir?

Alisa Volton məşhur “Walmart”ın qurucusu Sam Voltonun yeganə qızıdır. O, şirkətdə heç vaxt icraedici vəzifə tutmasa da, atasından miras qalan böyük pay sayəsində sərvətini qat-qat artırıb. “Walmart”ın qlobal genişlənməsi və səhmlərin bahalaşması onun sərvətini rekord həddə çatdırıb.

Hazırda Alisa Volton ailəyə məxsus “Walton Enterprises” holdinq şirkətini idarə edənlərdən biridir. Bu qurum təkcə investisiyalarla deyil, həm də xeyriyyəçilik layihələri ilə məşğul olur və Volton irsinin davamlılığını təmin edir.

Milyarder Alisanın bundan başqa məşğul olduğu bəzi işlər

Sənət sevgisi: O, ABŞ-də “Crystal Bridges Museum of American Art” adlı böyük incəsənət muzeyini təsis edib. Bu muzeydə minlərlə qiymətli əsər toplanıb.

Təhsil və filantropiya: Volton ailəsinin xeyriyyə fondu vasitəsilə təhsilə, səhiyyəyə və sosial layihələrə milyardlarla dollar ayırır.

Şəxsi həyat üslubu: Digər Walton ailə üzvləri kimi gündəlik işlərin idarəsində aktiv deyil, amma strateji qərarlarda söz sahibidir.

Alisa Voltonun Sərvətin mənbəyi: Əsas gəlir Walmart səhmlərindən gəlir, lakin müxtəlif investisiya və fondlar vasitəsilə sərvətini artırır.

Siyahının digər varlı qadınları

Francoise Bettencourt Meyers – 93,4 milyard dollar

Julia Flesher Koch və ailəsi – 80,5 milyard dollar

Jacqueline Badger Mars – 50,3 milyard dollar

Abigail Johnson – 44 milyard dollar