“Azərbaycanda turizm bazarı inhisarçılığa məruz qalmır”.

AzVision.az xəbər verir ki, bunu Mədəniyyət və turizm naziri Əbülfəs Qarayev deib. Onun sözlərinə görə, dövlət otellərdə qiymət siyasətini müəyyənləşdirmir və qiymətlər fərdi sahibkarlar tərəfindən müəyyən olunur:

“Hər kəs bu sahə ilə məşğul ola bilər. Bu sahədə hər şey çox şəffafdır və ona görə də dövlətin bura müdaxilə etməsi yersizdir. Azərbaycanda turizmin inkişafı prioritet istiqamətlərdən biridir. Həm daxili turizm, həm də xarici turizm inkişaf etdirilməlidir.

Daxili turizm ona görə inkişaf etməlidir ki, Azərbaycan vətəndaşları kənara getməsin, ölkədən kənara valyuta axını olmasın. Dövlət olaraq biz sahibkarları maarifləndirə, onlara treninqlər keçə və qiymətlərin formalaşdırılmasında onlara tövsiyələr verə bilərik”.

“Bu həftə Novxanıda girişi pulsuz olan çimərlik açılacaq”- deyən nazir bildirib ki, çimərliyin açılışı iyulun 14-15-də baş tutacaq.