Salyanda canavar işə gedən qadınlara hücum edib

11-06-2017, 12:16           
Salyanda canavar işə gedən qadınlara hücum edib
Bu gün səhər saat 6 radələrində Salyan rayonunun Şəkərli kəndində yaxınlıqdakı istixanalardakı iş yerlərinə gedən iki qadına canavar hücum edib.

Virtualaz.org saytının Şirvan bürosunun məlumatına görə, hadisə qayın arvadları olan 48 yaşlı Tahirə Həbulla qızı Səmədova və 45 yaşlı Nazlı Məmmədağa qızı Səmədova kollektorun çöl sahəsinə tərəf keçərək iş yerlərinə gedərkən baş verib.

Belə ki, yaxınlıqdakı kolluqda yatmış canavar bu zaman hər iki qadına hücum edərək qollarından xəsarətlər yetirib.

Bu zaman öz sürülərini çölə otarmağa aparmağa aparan sakinlər qadınların harayına gələrək çomaqla canavarı öldürüblər.

Salyan rayon Mərkəzi Xəstəxanasına çatdırılan hər iki qadına quduzluq əleyhinə peyvənd vurulub. Onlar tibbi yardım göstəridikdən sonra evə buraxılıblar.

Emil Məmmədov












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.