“iPhone X” smartfonlarında uşaqların üzünü tanıma funksiyası tam işləməyə bilər.

teref.az-nun Trend-ə istinadən verdiyi xəbərə görə, bu barədə “Apple” şirkətinin saytında qeyd edilib.

Məlumatda qeyd olunur ki, telefon 13 yaşdan aşağı uşaqların üz cizgilərini tanımaqda çətinlik çəkə bilər.

Bunun səbəbi kimi uşaqlarda bu yaşlarda üz cizgilərinin tam formalaşmaması göstərilir. Telefon sahibinin əkiz bacı və ya qardaşının olması isə bu funksiyanın işi üçün daha da çətinlik yarada bilər.

Belə hallarda telefonu adi PIN-kod və ya paroldan istifadə etməklə açmaq tövsiyə edilir.