Zimbabve lideri Robert Muqabe paytaxtdakı universitetlərdən birinə gedib və hələ də oradadır.

Virtualaz.org bildirir ki, xəbəri yerli mühafizə xidməti nümayəndəsinə istinadən RİA Novosti yayıb.

"Bəli, o, binanın içərisindədir", – deyə agentliyin həmsöhbəti bildirib.

Qeyd edək ki, bu, Zimbabve lideri Robert Muqabenin ordunun hökumətə müdaxilə etdiyi böhrandan və onun ev dustağı edildiyi barədə xəbər yayılandan sonra xalqla ilk ünsiyyətidir.

Muqabenin həftənin əvvəlindən yüksək çinli hərbçilərlə gizləndiyi iddia edilirdi. Daha sonra yayılan açıqlamada isə "Dövlət başçısı öz evindədir və təhlükəsizdir" mesajı verilmişdi.

Yeri gəlmişkən, ev dustağı olmasına baxmayaraq, Muqabe hakimiyyətdən getmək istəmir və israr edir ki, o hələ də ölkənin leqal başçısıdır.

O, həmçinin şərt qoyub ki, ona və 52 yaşlı arvadına, habelə digər ailə üzvlərinə təhlükəsizlik və həbsxanaya salınmayacaqları barədə zəmanət verilməyincə vəzifəsindən getməyəcək.