Vaşinqton Fələstin-İsrail probleminin həlli üçün “əsrin sazişi”ni bağlamaq istəyir.
Publika.az SİTA agentliyinə istinadən xəbər verir ki, Rusiyanın xarici işlər naziri Sergey Lavrovun sözlərinə görə, bunu ABŞ-ın dövlət katibi Reks Tillerson onunla görüşdə bildirib.
“Dövlət Administrasiyasının başçısı bildirdi ki, ABŞ Fələstin-İsrail problemini birdəfəlik həll edəcək əsrin sazişini bağlamaq istəyir”, - Lavrov deyib.
Qeyd edək ki, ABŞ prezidenti Donald Tramp dekabrın 6-da Qüdsü İsrailin paytaxtı kimi tanıyıb və ABŞ-ın Təl-Əvivdəki səfirliyinin Qüdsə köçürülməsi barədə sənəd imzalayıb.
Qərar demək olar ki, dünyanın heç bir ölkəsindən dəstək almayıb. Siyasi liderlər bildirirlər ki, Trampın qərarı bölgədə vəziyyəti daha da gərginləşdirəcək.