PKK-nın ərəb qızlara qarşı dəhşətli siyasəti
19-02-2018, 09:52
PYD terror qruplaşması ərəb ailələrindən alınan qızları zorla öz sıralarına cəlb edir.
Axar.az xəbər verir ki, bu barədə Anadolu Angentliyi Afrində yerli əhaliyə istinadən məlumat yayıb.
“Hər ailədən bir nəfər mütləq şəkildə YPG sıralarına qatılmalıdır. Əgər ailədə oğlan uşağı yoxdursa, onda zor gücü ilə qızları alırlar. Biz öz ailələrimizi terrorçulara vermək istəmirik”, - deyə Deyr Ballut Həlimə adlı sakin deyib.
Məhəmməd Aluşa adlı şəxsin bildirdiyinə görə, PYD-çilər yerli əhalini insan hesab etmirlər. Lakin Aluşa Azad Suriya Ordusunun (ASO) gəlişindən sonra vəziyyətin dəyişdiyini deyib.
65 yaşlı Fatimə Xaleybi isə vurğulayıb ki, terrorçular yerli ərəblərlə çox kobud rəftar edirdilər:
“ASO-nun gəlişindən sonra durum dəyişdi”.
Əbu Huzeyfə də öz növbəsində vəziyyətin daha dözülməz olduğunu qeyd edib:
“PKK zorla ərəb gəncləri öz aralarına qəbul edir. Həmçinin məhkəməsiz və araşdırmasız insanları həbsxanalara atır”.
