Ermənistan Azərbaycana qaçan erməni aktivist Vaan Martirosyanla bağlı axtarış elan edib.

Axar.az xəbər verir ki, bu barədə informasiyanı Ermənistan İstintaq Komitəsi yayıb. Axtarış sentyabrın 9-dan başlayıb. İrəvan Martirosyanı külli miqdarda pul oğurlamaqda günahlandırır:

“Martirosyan öz həyat yoldaşı və uşağı ilə birlikdə bir müddət öz tanışının mənzilində yaşayıb. Bu zaman o həmin mənzildən 4 min dollar pul oğurlayıb. Doğrudur, Martirosyan Mqera Sedrakyan tərəfindən təzyiqə məruz qalsa da, heç bir zaman ortada peyda olmadığına görə tərəfimizdən dindirilməyib”, - İrəvan İstintaq Komitəsinin açıqlamasında deyilir.

Qeyd edək ki, dünən erməni aktivist Vaan Martirosyan öz istəyi ilə Azərbaycana keçib. O və ailəsi ölkəsində dəfələrlə fiziki işgəncəyə məruz qalıb və bunun nəticəsində övladını itirib. Martirosyan bu gün Azərbaycanda mətbuat konfransı təşkil edəcək.