Mövcud koronavirus pandemiyası ilə əlaqədər bu il tələbələr onlayn formatda imtahan verdilər.

Bu, onların bəziləri üçün avantaj olsa da, bir qisim tələbə imtahanlarda uğurla iştirak edə bilmədi. Əlaçı tələbələr internet probleminə görə ya da başqa bir səbəbdən arzuladıqları nəticəni qazanmağa müvəffəq olmadılar. İndi onları düşündürən əsas məsələ təqaüdlərin hansı-əvvəlki, ya cari semestrin nəticələrinə uyğun verilməsidir.

Məsələ ilə bağlı “Sherg.az”a danışan Təhsil Nazirliyinin mətbuat xidmətinin rəhbəri Cəsarət Valehovun sözlərinə görə, heç bir qayda dəyişikliyi olmayacaq:
“Tələbələrə təqaüdlər cari semestrin nəticələrinə uyğun veriləcək. Bu, həmişə belə olub. Yəni qeyri-adi bir şey yoxdur. Tələbələr imtahan veriblər və nəticələrinə uyğun təqaüd alacaqlar”.