Dünyada heç bir ölkə PUA-lara qarşı tam qorunma təmin edən bir vasitə tapmayıb.

KONKRET.az xəbər verir ki, bu sözləri Ermənistan müdafiə nazirliyinin rəsmisi Artsrun Ovannisyan işğal edilən Dağlıq Qarabağda Azərbaycanla Ermənistan arasında gedən hərbi toqquşmadan danışarkən deyib.

“PUA-lara qarşı qızıl bir həll yolu yoxdur, kompleks həllərdən istifadə etmək lazımdır: bir sıra zərər verən, aşkarlayan, hücum edən və məhv edən vasitələr. Müasir müharibələrdə PUA əsl baş ağrısına çevrilmiş silah növlərindən biridir” deyib.

Artsrun Ovannisyan Hadrut qəsəbəsinin Azərbaycan ordusu tərəfindən ələ keçirildiyini belə ifadə edib: “Azərbaycan hərbçiləri bəzən Hadruta daxil olur, silahlı qüvvələrimiz onlara qarşı mübarizə aparır. Relyef meşəlik, dağlıqdır. Hadruta və ətrafına azərbaycanlıların tez-tez daxil olmaları istisna deyil”.

Haşiyə: Hadrutun itirilməsini ermənilər heç cürə həzm edə bilmirlər. Bayrağımız sancılandan sonra məcbur olaraq “Azərbaycan hərbçiləri bəzən Hadruta daxil olur” sözlərini deyirlər. Əvvəllər isə Hadrutun onlarda olduğunu bəyan edirdilər…