ABŞ "TikTok"un amerikan seqmentinin son satış tarixini uzatmamağa qərar verdi

5-12-2020, 09:10           
ABŞ "TikTok"un amerikan seqmentinin son satış tarixini uzatmamağa qərar verdi
ABŞ səlahiyyətliləri Çinin "ByteDance" şirkətinin "TikTok" sosial şəbəkəsinin amerikan seqmentini satmaq üçün müqavilə bağlamalı olduğu müddətin uzadılmamasına qərar verdi.

Trend-in TASS-a istinadən verdiyi məlumata görə, bu barədə "Reuters" agentliyi xəbər verib.

Bildirilir ki, sözügedən müddət dekabrın 4-də bitib və ABŞ federal hökuməti onu yeniləməməyə qərar verib. Bununla belə, Vaşinqton "TikTok"un yerli seqmentinin taleyi ilə bağlı "ByteDance" ilə danışıqların davam etdirilməsini istisna etmir.

Daha əvvəl ABŞ səlahiyyətliləri Çin tərəfi satışdan imtina edərsə, 12 noyabr tarixindən etibarən "TikTok"un işinə ciddi məhdudiyyətlər tətbiq etməyi planlaşdırıb. Lakin Vaşinqton administrasiyası "ByteDance" şirkətinə 27 noyabr tarixinə qədər 15 günlük güzəşt müddəti və daha sonra bu müddətin bir həftə - dekabrın 4-dək uzadılması qərarını verib.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru