Rusiya Prezidenti Vladimir Putin hər il kompleks profilaktik tibbi müayinədən keçdiyini bildirib.

Bu barədə "Rossiya 1" telekanalının jurnalisti Pavel Zarubin məlumat yayıb.

Məlumata görə, Rusiya lideri Kremldə dövlət mükafatlarını təqdim edib və mərasimdən sonra laureatlardan biri olan oftalmoloq-cərrah Georgi Stolyarenko ilə söhbətləşib.


Prezidentlə söhbətində dövlət başçısının səhhətini müzakirə edən həkim vurğulayıb ki, "hətta ən yaxşı avtomobilə də texniki baxış lazımdır".

"Mütəmadi olaraq texniki baxışdan keçirəm. Hər il tam iki günümü buna həsr edirəm"- deyə Putin cavab verib.