DYP-nin ekologiya postunun əlahiddə qanunları var. Bu barədə DİA.AZ-a məlumatlı mənbə informasiya verib. Qeyd edək ki, Fuad Mayılovun rəisi olduğu bu DYP postu ilə bağlı bu günə qədər də müxtəlif informasiyalar yayılmışdı.

Bu dəfə isə DİA.AZ-a danışan mənbə iddia edir ki, Fuad Mayılovun özəl qanunlarla idarə etdiyi postda inspektorların günü onlara 160 manata başa gəlir: "Yəni hər bir inspektor bu qədər günlük haqq verməlidir. Təbii ki, rəisə".

Mənbə iddia edir ki, əks halda onlar işə çıxa bilməzlər: "Deməli, işə çıxmırlarsa, qazanmayacaqlar da".

Məlumatda o da iddia olunur ki, DYP-də çalışan inspektorların geyimləri, xarici görünüşləri isə nizamnamə tələbləri ilə tamamən ziddiyyət təşkil edir. Belə ki, bu postda uzun saçlı inspektorları belə görmək mümkündür: "Yəqin ki, Fuad Mayılov "razvod"a onları cəlb etmir, yoxsa polis səfi biabırçı şəkil alar".

Qarşı tərəfin də münasibətini öyrənib, diqqətinizə təqdim edəcəyik.