Dəfələrlə yol abadlaşdırılması ilə bağlı tender layihələr həyata keçirən Ağstafa Rayon İcra hakimiyyətinə rayonun mərkəzi küçələrindəki yolun biabırçı durumu görünür maraqlı deyil.

32gun.az-a daxil olan məlumata görə, qırlama işi görülmədən yollarda asfalt tökülüb.

Bu saytımıza daxil olan video və foto görüntülərdən də aydın olur.

Bu da görülən işin keyfiyyətsizliyini üzə çıxarır.

Məsələ bununla bitmir.

Təmir işi görülən yolda avtomobil hərəkətə hər iki tərəfdən bağlıdır. Lakin təmir işi baş tutarkən yolun bir tərəfi açıq olmalıdır ki, təcili yardım və ya yanğın söndürən maşınları çağırılan ünvana vaxtında çata bilsin. Eləcə də digər avtomobillər üçün...

Ağstafa Rayon icra Hakimiyyətinin qırlanmamış yolda asfalt işlərimin görülməsi "əməliyyatı"nı ört-bas etmək üçün bu əmələ əl atdıqları da iddia edilir.

Məsələnin üstü açıldıqdan sonra və yolun bir hissəsində çöküntü qaldığına görə yenidən asfaltlanmış yolun bir hissəsi sökülüb, müəyyən qədər qırlama işləri görülüb. Daha sonra yenidən həmin hissə asfaltla yamaq vurularaq qapadılıb.

İşin digər biabırçı tərəfi yollara tökülən zibillər və mərkəzi küçədən gələn üfunət qoxusudur.

Yolun bağlı olma səbəbindən Rayonun Kommunal Müəssisələr Kombinatı (KmK) maşınıları həmin əraziyə girib zibilləri daşımaqda aciz qalır.

Xatırladaq ki, Ağstafa RİH başçısı Seymur Orucovdur.