Rusiya və Ukrayna arasında davam edən müharibənin 48-ci günündə də dövlət başçılarının ailələrinin durumu müzakirə mövzusudur.

Teleqraf.com xəbər verir ki, Rusiya lideri Vladimir Putinin ailə üzvlərinin adları tez-tez sanksiya məsələlərində hallansa da, Ukrayna Prezidenti Vladimir Zelenski ilə bağlı məsələ bir qədər qapalı idi.

Zelenskinin həyat yoldaşı, Ukraynanın birinci xanımı Alyona Zelenski bu haqda ilk dəfə “Vogue” jurnalına danışıb. Birinci xanım müharibənin başlanğıcından bəri yaşadıqları və əri Zelenski ilə görüşüb-görüşməməsi ilə bağlı sualları cavablandırıb.

Həyat yoldaşı ilə uzun müddətdir yalnız telefonla əlaqə saxladıqlarını bildirən xanım Zelenski vurğulayıb:

“Əvvəlcə emosiyaya vaxt yox idi. Uşaqlarla, onların emosional vəziyyəti ilə məşğul olmaq lazım idi. Mən də belə olmağa çalışdım. Özünə güvənən, gülərüzlü, enerjili olmağa çalışdım, onlara başa saldım ki, bəli, zirzəmiyə enməli olduğumuzu və işığı yandıra bilməyəcəyimizi başa saldım. “Atamızı nə vaxt görəcəyik?” sualına cavab verməyə çalışdım. “Tezliklə” deyə optimist şəkildə cavab verdim. O vaxtdan Vladimirlə ancaq telefonla əlaqə saxlayırıq”.

Alyona Zelenski müharibə ilə bağlı sözlərini belə davam etdirib:

“"Müharibə dərhal fərdləri və cəmiyyəti birləşdirdi. Bu, yəqin ki, bizə hücum edənlərin ölümcül səhvi idi. Biz hamımız əvvəlcə ukraynalıyıq, sonra hər şey. Bizi bölmək, parçalamaq istədilər, amma bunu ukraynalılarla etmək mümkün deyil.

Bizim birimiz işgəncəyə məruz qalanda, zorlananda və ya öldürüləndə hamımız işgəncə, təcavüz və ya öldürüldüyünü hiss edirik. Vətəndaş şüurunu hiss etmək və müqavimət göstərmək üçün təbliğata ehtiyacımız yoxdur”.