Rusiya qoşunları Mariupolda daha iki gəminin ekipaj üzvlərini əsir götürüb.

Moderator.az xəbər verir ki, bu barədə Ali Radanın insan hüquqları üzrə komissarı Lyudmila Denisova Facebook-da məlumat verib.

"Mariupol Dəniz Ticarət Limanı ərazisində Rusiya hərbçiləri Dominika bayrağı altında üzən "Azburq" və Yamayka bayrağı altında üzən "Lady Augusta" gəmilərinin ekipaj üzvlərini girov götürüblər", - deyə Ombudsman bildirib.

Onun sözlərinə görə, çarter müqaviləsinə əsasən, “Azburq” quru yük gəmisi 2022-ci il fevralın 22-də Burqas şəhərindən (Bolqarıstan) metal məmulatları yükləmək üçün Ukraynanın Mariupol ticarət limanına gəlib.

Eyni zamanda, Rusiya Federasiyası tərəfindən liman ərazisinin artilleriya və minaatanlardan atəşə tutulmasından sonra yükdaşıma əməliyyatları dayandırılıb. Aprel ayından etibarən iki minaatan mərmisinin gəmidəki naviqasiya körpüsünə dəyməsi nəticəsində naviqasiya avadanlığı qismən zədələnib.

“Ertəsi gün canlı mərmi maşın otağına düşüb və içəridə partlayıb, nəticədə maşın otağında yanğın başlayıb və nəzarətçi yaralanıb”, - deyə Denisova əlavə edib.

O qeyd edib ki, Ukrayna Dövlət Sərhəd Xidmətinin qayığı qəza siqnalına cavab verib və “Lady Augusta” gəmisində ekipajın təxliyyəsinə kömək edib. Xəsarət alan heyət üzvü sərhədçilər tərəfindən xəstəxanaya çatdırılıb, ona tibbi yardım göstərilib.

“Aprelin 10-da iki gəminin ekipaj üzvlərini: 12-si Ukrayna vətəndaşı olan “Azburq” və ekipajı naməlum sayda Suriya vətəndaşlarından ibarət “Lady Augusta” gəmisinin heyət üzvlərini işğalçılar əsir götürüb müvəqqəti işğal olunmuş Donetskə aparıblar”, - deyə Denisova qeyd edib..

UNİAN-ın daha əvvəl xəbər vermişdi ki, aprelin 12-də Liberiya bayrağı altında üzən “Blue Star-1” yük gəmisinin ekipaj üzvlərinin əsir götürülməsi barədə məlumat yayılıb. Ukrayna vətəndaşı olan 18 dənizçi müvəqqəti olaraq işğal olunmuş Donetskə aparılıb.

Bundan əvvəl rus işğalçılarının SMARTA yük gəmisinin dənizçilərini əsir götürərək naməlum istiqamətə apardığı da bildirilirdi.