Qərb ölkələrinin Rusiyaya qarşı yürütdüyü sanksiya siyasəti uğursuzluğa uğrayıb.

Bu barədə Prezident Vladimir Putin bildirib.

"İqtisadi blitskrieg strategiyası işə yaramadı. Əksinə Qərb dövlətləri özləri inflyasiya və artan işsizlik, ölkələrində iqtisadi dinamikanın pisləşməsi ilə üzləşdilər”, -deyə Vladimir Putin qeyd edib.

Putin daha sonra Rusiyanın əhəmiyyətli inflyasiya səviyyəsinə diqqət çəkərək hökuməti “vətəndaşlarımızı dəstəkləməyə, onlara inflyasiya dalğasının öhdəsindən gəlməyə kömək etməyə” çağırıb.

Moskva etirbarlı tərəfdaş olan ölkələrlə rubl və digər milli valyutalarda hesablaşmalara keçidi sürətləndirməlidir.

O qeyd edib ki, "dost olmayan ölkələrin" Rusiyaya qarşı tətbiq etdiyi məhdudiyyətlər yerli biznesin imkanlarına təsir edib, ixrac və idxal tədarükü logistikasını çətinləşdirib, hesablaşmaların aparılması üçün maneələr yaradıb.