"Batkivşina" partiyasının lideri, sabiq baş nazir Yuliya Timoşenko "uçan güllə" olsa da Kremlin agenti deyil.

AzNews.az Rusiya mediasına istinadən xəbər verir ki, bu haqda informasiyanı Ukraynanın Baş prokuroru Yuri Luçenko yayıb.

"Yuliya öz trayektoriyası ilə uçan güllədir. Ancaq bunun da öz təhlükəsi var...". Luçenko jurnalist Dmitri Qordona müsahibəsi zamanı belə deyib.

Qeyd edək ki, mart ayının 31-də Ukraynada prezident seçkiləri keçiriləcək. Timoşenko da seçkilərə qatılmaq haqda anons verib. Son bir neçə ay ərzində bu kampaniyanın reytinq cədvəlində sabiq baş nazir liderlik edir.

Opponentlər isə dəfələrlə Timoşenkonu Rusiya ilə əlaqadə ittiham ediblər.