Çərşənbə axşamı Bakının Nəsimi rayon məhkəməsində Babək Pənahovun sədrliyi ilə Xalq Cəbhəsi Partiyasının sədr müavini Gözəl Bayramlının ev dustaqlığına buraxılması haqqında vəsatətə baxılıb. Məhkəmə vəsatəti təmin etməyib, bu barədə Teref.az-a vəkil Əsabəli Mustafayev bildirib.

Müdafiə tərəfi məhkəmənin qərarından apellyasiya şikayəti verəcək, deyə vəkil bildirib.

* Bayramlı mayın 25-də Gürcüstandan qayıdarkən saxlanılıb. Onun üzərinə 12 min dollar qoyulub və 206.1-ci (qaçaqmalçılıq) maddə ilə cinayət işi açılıb. Bayramlı hüquq müdafiə təşkilatları tərəfindən siyasi məhbus kimi tanınıb.
Mehman Eldaroğlu