Bu gün Rusiya lideri Vladimir Putinlə Fransa Prezidenti Emmanuel Makron arasında ilk dəfə videokonfrans formatında görüş keçirilib.

Axar.az xəbər verir ki, liderlərin bir-birinə “sən” deyə müraciət etməsi diqqət çəkib.

Putin 24 iyun Qələbə paradı haqda danışıb və faşizm üzərində qələbəni “ümumi qələbəmiz” adlandırıb:

“Rusiya Şərq cəbhəsində bizim əsgərlərlə çiyin-çiyinə vuruşan fransızları heç vaxt unutmayacaq. Minlərlə sovet vətəndaşı isə Fransada, Fransa Müqavimət Hərəkatında iştirak edib”.

Putin terrorizm, idarəolunmayan miqrasiya, iqlim dəyişkənliyi və pandemiya, eyni zamanda, Ukrayna, Balkan, Suriya və Liviyadakı vəziyyəti müzakirə edəcəklərini qeyd edib.

Putin Makronu Rusiyaya da dəvət edib.

Pandemiyaya görə Moskvaya gələ bilmədiyini xatırladan Fransa lideri Putinin dəvətini qəbul edib və koronavirus imkan verərsə, səfərin yayın sonuna qədər mümkün olacağı bildirilib.

Daha sonra liderlər təkbətək söhbəti davam etdiriblər.