Avropa İttifaqı (Aİ) ölkələrinin Rusiya Mərkəzi Bankı və 7 böyük bankını beynəlxalq pul köçürmələri sistemindən (SWIFT) çıxarması Rusiya ilə Çin arasında iqtisadi əməkdaşlığın yolunu açıb.

Çin banklarında hesab açmağa çalışan bir çox rus şirkəti bu yolla sanksiyaları pozmağa başlayıb. Məlumatlara görə, iqtisadi təsirlərə məruz qalan Rusiyanın 300 şirkəti Moskvadakı Çin banklarında hesab açmağa başlayıb.

Çin dövlət bankının Moskva filialında çalışan mənbələr bankın bu yöndə fəaliyyətini təsdiqləyiblər. Mənbələr son vaxtlar 200-300 şirkətin yeni hesablar açmaq üçün onlarla əlaqə saxladığını bildiriblər.

Çin banklarında hesab açmağa çalışan yüzlərlə rus şirkətinin Çin yuanı ilə ödəniş tələbinin artacağı gözlənilir.