Prezident Co Bayden sələfi Donald Trampı ABŞ-ın "gələcək prezidenti" adlandırıb.

Publika.az xəbər verir ki, o, bu barədə Filadelfiyada keçirilən tədbirdə büdcə təkliflərini təqdim edərkən bildirib.

“Yəqin ki, xatırlayırsınız, mən bu vəzifə üçün mübarizə apararkən keçmiş prezident və ola bilsin ki, gələcək prezidentlə rəqabət aparırdım”, - amerikalı başçı bildirib.

Lakin bu çıxışdan sonra Bayden dərhal "Allah qorusun" deyib.

Məlumat üçün bildirək ki, ABŞ-ın keçmiş prezidenti Donald Tramp 2024-cü ildə keçiriləcək prezident seçkilərində iştirak edəcəyini rəsmən bəyan edib. Eyni zamanda, “Fox News” eks-dövlət başçısı ilə rəqabət apara biləcək namizədlərin siyahısını təqdim edib. Onların arasında Trampın vitse-prezidenti Mayk Pens və Florida ştatının məşhur gənc qubernatoru Ron DeSantis də var.