Nikol Paşinyanın əsas tənqidçilərindən olan keçmiş xarici işlər naziri Vardan Oskanyan baş nazirlə yanaşı Azərbaycanı və beynəlxalq aləmi bu sözlərlə hədələyib:
-“Beynəlxalq ictimaiyyət və Azərbaycan bilməlidir ki, Paşinyanın qərarı iki xalq arasında sülh gətirməyəcək. Baş nazir sənədi imzalasa belə, bu, yalnız tarixin təbii axarından müvəqqəti sapma olacaq”.
Yəni Oskanyan və onun kimi düşünənlər bununla demək istəyirlər ki, “ermənilər uzaq və yaxın keçmişdə olduğu kimi yenidən azərbaycanlılara arxadan zərbə vurmalıdırlar".
Bizim də Oskanyan kimilərə mesajımız bu olmalıdır ki, “uzaq və yaxın tarixdən dərs çıxarmışıq, mümkün sülh sazişinə rəğmən, qonşumuzun kimliyini bilərək əlimiz hər zaman tətikdə olacaq”.
Elxan Şahinoğlu
Teref.az