Mayın əvvəlinə Avropa İnsan Hüquqları Məhkəməsində Azərbaycandan 2100 ərizəyə baxılması gözlənilir, təşkilatın saytında bildirilir.

Bu, Strasburq məhkəməsində araşdırması gözlənilən bütün şikayətlərin 2,7 faizini təşkil edir, vəkil Xalid Ağaliyev bildirib.

“2022-ci ilin sonunda Avropa İnsan Hüquqları Məhkəməsində Azərbaycandan 2150 ərizə olub. Son 4 ayda məhkəmə Azərbaycandan 140 iş üzrə qərarları elan edib”, – Ağaliyev deyib.

Ümumilikdə, Avropa İnsan Hüquqları Məhkəməsində 76 700 ərizəyə baxılmalıdır, 2022-ci ilin sonunda onların sayı 74 650 ərizə olub.

Baxılmasını gözləyən şikayətlərin 23 min 250-i Türkiyədən göndərilib. Sonra Rusiya – 15 700 və Ukrayna – 9 950 gəlir.(Turan)