23 may 2023-cü ildə Sloveniya Parlamenti 1932-1933-cü illərin Qolodomorunu Ukrayna xalqının soyqırımı kimi tanıdı. Parlamentin Çərşənbə axşamı keçirilən içlasında bu qərarın lehinə 67, əleyhinə 8 deputat səs verib.

Bizimyol.info xəbər verir ki, Ukraynanın Sloveniya Respublikasındakı səfirliyinin mətbuat xidmətinin məlumatına görə, ölkənin Milli Assambleyası Ukraynada aclıq nəticəsində baş verən kütləvi qətli - soyqırımı anmaq üçün müvafiq bəyannamə qəbul edib.

“Bəyannamənin müddəalarına uyğun olaraq, Sloveniya Respublikasının Parlamenti 1932-33-cü illərdə Stalin rejimi tərəfindən Qolodomorun soyqırım xarakteri daşımasından təəssüflə bəyan etdiyini bildirir.

Sloveniya dövləti Ukrayna əhalisinin bütün təbəqəsini məhv etmiş və xalqın yaşaması üçün zəruri olan əsas ərzaq məhsullarının çatışmazlığına, bununla da milyonlarla ukraynalının ölümünə səbəb olmuş və Ukrayna cəmiyyətinin əsaslarına böyük ziyan vurmuş soyqırım aktlarını pisləyir, bu faciədə əziyyət çəkən bütün Qolodomor qurbanlarının xatirəsini ehtiramla yad edir və bu cinayət əməlləri nəticəsində həlak olanların hamısını yad edir, tarixi faktları təhrif etmək cəhdlərini pisləyir və rədd edir.

Eyni zamanda, Qolodomordan sağ çıxanlarla və onların ailələri ilə həmrəy olduğunu bildirir, bu qəsdən, qəddar və cinayətkar əməllərin bütün qurbanlarının xatirəsini yaşatmağı, Ukraynada bu dövrün faciəli tarixi hadisələri barədə məlumatlılığı təbliğ etməyi öhdəsinə götürür”, - mesajda deyilir.

Ukrayna prezidenti Vladimir Zelenski Sloveniya parlamentinin bu qərarına artıq reaksiya verib.

“Mən Sloveniya parlamentarilərinə Qolodomorun – 1932-1933-cü illərdə Ukraynada baş vermiş soyqırımın milyonlarla ukraynalı qurbanlarının xatirəsini ehtiramla yad edən bəyannamə qəbul etdiklərinə görə minnətdaram. Tarixi ədalətin bərpasına həsr olunmuş dövlətlərin beynəlxalq koalisiyası daha da möhkəmlənir. Həqiqətə diqqətlə və məsuliyyətlə yanaşaq”,- dövlət başçısı "Tvitter" hesabında yazıb.

Qeud edək ki, Fransa, İslandiya, İtaliya və Belçika parlamentləri 1932-1933-cü illərin Qolodomorunu Ukrayna xalqının soyqırımı kimi tanıyıblar.