ABŞ Dövlət Departamenti hesab edir ki, Dağlıq Qarabağdakı Rusiya sülhməramlıları əvəzedicisi tapılmalıdır.
Bu bəyanatla ABŞ dövlət katibinin Avropa və Avrasiya məsələləri üzrə köməkçisi Ceyms O`Brayen çıxış edib.
"Hazırda Rusiya qoşunları oradadır, 2020-ci il atəşkəs bəyanatına əsasən, bu, onların ilk müddətidir. Əgər bu ölkələr (Ermənistan və Azərbaycan) üçün alternativ olarsa, artıq Rusiya sülhməramlılarının iştirakına ehtiyac qalmayacaq. Onlar sülhməramlılar kimi öz vəzifələrini yerinə yetirə bilməyiblər”, - diplomat ABŞ Konqresinin Nümayəndələr Palatasının Xarici Əlaqələr Komitəsində Dağlıq Qarabağ ətrafındakı vəziyyətlə bağlı dinləmələrdə çıxış edərkən bildirib.
"Rusiya sülhməramlıları 5 illik müddət bitdikdən, yəni il yarımdan sonra ölkəni tərk etməlidir", - o əlavə edib.
Dövlət katibinin köməkçisinin sözlərinə görə, ABŞ Rusiya sülhməramlılarına alternativ təklif etməyə hazırdır.
“Ən yaxşı yanaşma hər iki ölkəyə alternativ verməkdir - bizimlə və Qərblə işləmək”, - o deyib.
Bundan əvvəl Rusiya prezidentinin mətbuat katibi Dmitri Peskov qeyd edib ki, ABŞ-ın “şifahi müdaxilələri”nə baxmayaraq, Rusiya və rus sülhməramlıları həqiqətən də Dağlıq Qarabağ münaqişəsinin nizamlanması prosesində iştirak edirlər. Sentyabrın 19-da Dağlıq Qarabağda vəziyyətin növbəti gərginləşməsindən sonra Moskva münaqişə tərəflərini qan tökülməsini dayandırmağa və diplomatik həll yoluna qayıtmağa çağırıb. Azərbaycan Müdafiə Nazirliyinin sentyabrın 20-də verdiyi məlumata görə, məhz Rusiya sülhməramlı kontingentinin iştirakı ilə Bakının sentyabrın 19-da Qarabağda başlatdığı antiterror tədbirlərinin dayandırılması ilə bağlı razılıq əldə edilib. Sentyabrın 27-də Rusiya Müdafiə Nazirliyi bildirib ki, Rusiya sülhməramlıları Qarabağın mülki əhalisi üçün 44 tondan çox humanitar yükün çatdırılmasını təmin edib. Rusiya sülhməramlı aviasiyası Dağlıq Qarabağda yanacaq partlayışı nəticəsində həlak olanların təxliyyəsinə yardım edib.
TASS