Məktəbli ikən 1980-ci illərdə rəfimizdə olan “2000-ci illlərdə dünya necə olacaq” kitabını bir neçə dəfə həvəslə oxumuşdum. 1961-ci ilin nəşri olan yarı elmi, yarı fantastik kitabda 40 il sonra bəşəriyyətin mümkün ixtiraları barədə ehtimallar yer almışdı. Görüntülü telefon, internet və digər bir neçə ixtira barədə ehtimallar özünü doğrultdu. Ancaq kitabda müharibələr haqqında heç nə yazılmamışdı. 1960-cı illərdə iki qütb mövcud idi, Amerika Birləşmiş Ştatları və SSRİ “soyuq müharibənin” tərəfləriydi, dünya ölkələrini aralarında bölüşdürmüşdülər. O illərdə bəşəriyyət nüvə müharibəsi qorxusu ilə yaşayırdı. “Soyuq müharibənin” bitişi ilə gərginlik yeni fazaya daxil oldu, regional müharibələr və bunun ətrafında formalaşan yeni ittifaqlar gərginliyin yeni mənbəyinə çevrildilər. Təəssüf ki, 2024-cü ilə belə daxil oluruq. Bu azmış kimi nüvə dövlətləri arasında artan gərginlik 1960-cı illərdəki məlum təhlükəni yenidən gündəmə gətirib.
Elxan Şahinoğlu
Teref: Xocanın Blogu