Pentaqon sözçüsü: Rusiya Ukraynada xarici silahların oğurlanması ilə bağlı dezinformasiya yayır
12-01-2024, 09:46
Pentaqon sözçüsü: Rusiya Ukraynada xarici silahların oğurlanması ilə bağlı dezinformasiya yayır Rusiya davamlı olaraq Ukraynada xarici silahların oğurlanması hallarının qeydə alındığı barədə dezinformasiya yaymağa çalışır.
APA-nın “RBC-Ukrayna”ya istinadən verdiyi xəbərə görə, bunu Pentaqonun sözçüsü Patrik Rayder videobrifinq zamanı deyib.
“Bu gün ABŞ-dan Ukraynaya ötürülən silahların səhv əllərə keçə biləcəyinə dair heç bir etibarlı sübut yoxdur”, - Pentaqonun spikeri bildirib.
Onun sözlərinə görə, Rusiya müxtəlif informasiya kanalları vasitəsilə daim dezinformasiya yaymağa çalışır.
“Amma fakt odur ki, biz ukraynalıların döyüş meydanında onlara verilən silahlardan səmərəli istifadə etdiklərini görürük”, - Rayder vurğulayıb.