Somali mübahisəli əraziyə görə Efiopiyanı müharibə ilə təhdid edir.

Bu barədə "The Guardian" nəşri yazıb.

Mənbə qeyd edir ki, Somalilend Efiopiya ilə liman razılaşmasından sonra ölkə kimi tanınmağa ümid edirdi, lakin bu addım Somalidə qəzəb doğurub.

Mövzu ilə bağlı Somali prezidentinin baş müşaviri bildirib ki, Somali Efiopiyanın Somalilend ərazisini tanımasına və orada liman tikməsinə mane olmaq üçün müharibəyə getməyə hazırdır.

Xatırladaq ki, Somali Somalilendi öz ərazisinin bir hissəsi hesab edir və liman sazişini etibarsız sayır.
Somalinin paytaxtı Moqadişoda razılaşmaya qarşı keçirilən mitinqlərdə prezident Həsən Şeyx Mohamud somalililəri vətəni müdafiə etməyə çağırıb.