Qeyri-strateji nüvə silahları ilə keçirilən təlimlər Qərbdən Ukraynaya qoşun yeritməyə hazır olduqları barədə bəyanatlarla bağlıdır.

APA-nın Moskva müxbiri xəbər verir ki, bunu Kremlin mətbuat katibi Dmitri Peskov bildirib.

O, Qərbin məlum bəyanatlarını təhlükəli adlandırıb.

Kremlin sözçüsünün sözlərinə görə, gərginliyin artmasının bu yeni mərhələsi misilsizdir, xüsusi diqqət və xüsusi tədbirlər tələb edir.

Qeyd edək ki, Rusiya Silahlı Qüvvələrinin Baş Qərargahı Prezident Vladimir Putinin tapşırığı ilə yaxın vaxtlarda Cənub Hərbi Dairəsi və Hərbi Dəniz Qüvvələrinin raket birləşmələri ilə təlimlərin keçirilməsi üçün hazırlıqlara başlayıb. Rusiya Müdafiə Nazirliyindən bildirilib ki, təlimlər zamanı qeyri-strateji nüvə silahlarının işlənilməsi və tətbiqi praktikası üzrə bir sıra kompleks tədbirlər həyata keçiriləcək.