İspaniya Argentinadakı səfirini məsləhətləşməyə çağırıb

20-05-2024, 11:58           
İspaniya Argentinadakı səfirini məsləhətləşməyə çağırıb
İspaniya Argentina Prezidenti Xavyer Mileyin sözlərindən sonra bu ölkədəki səfirini məsləhətləşmələr üçün geri çağırıb.

Bu barədə İspaniyanın xarici işlər naziri Xose Manuel Albares bildirib.

Onun sözlərinə görə, buna səbəb Xavyer Mileyin İspaniyanın Baş naziri Pedro Sançesin həyat yoldaşı Begonya Qomesi korrupsioner adlandırması olub. Qeyd olunub ki, İspaniya Argentina Prezidentindən üzrxahlıq tələb edib.

"Cənab Mileyin davranışına görə İspaniya ilə Argentina arasındakı münasibətlər son tarixin ən çətin anını yaşayır. Qeyd edim ki, bu səbəbdən Buenos-Ayresdəki səfirimizi məsləhətləşməyə çağırdım", - deyə o bildirib.

Mənbə: TASS












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.