ABŞ-nin Ukraynaya hərbi personalını göndərməkdən imtinası Fransanın qərarlarından asılı olmayaraq gələcəkdə də davam edəcək.

İqtisadiyyat.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlərə bildirib.

"ABŞ prezidenti və Ali Baş Komandan öz nöqteyi-nəzərini ifadə edib, bu, hamıya məlumdur. Ukraynada hərbi əməliyyatlarda iştirak etmək üçün hərbçilərimiz göndərilməyəcək. Bu belə idi, belə də olacaq", - Kirbi deyib.

Ağ Evin sözçüsü bildirib ki, Birləşmiş Ştatlar NATO-nun şərq cinahını gücləndirməkdə davam etmək, habelə Ukraynanın Rusiyaya qarşı hərbi əməliyyatlar aparması üçün lazım olan hər şeyi təmin etmək niyyətindədir.