Rusiya Prezidenti Vladimir Putin bildirib ki, Ukraynadakı vəziyyətlə bağlı Rusiyanın mövqeyi aydındır və münaqişənin nizamlanması üçün əsas məsələ - onun əsas səbəblərinin aradan qaldırılmasıdır.
İqtisadiyyat.az xəbər verir ki, bu barədə o, ABŞ Prezidenti Donald Tramp ilə telefon danışığından sonra jurnalistlərə açıqlamasında deyib.

“Qeyd etmək istərdim ki, ümumilikdə Rusiyanın mövqeyi aydındır: bizim üçün əsas məsələ bu böhranın ilkin səbəblərinin aradan qaldırılmasıdır”, – deyə Rusiya lideri vurğulayıb.

Putin və Tramp arasında telefon danışığı 19 may tarixində baş tutub. Bu söhbətdən sonra Putin bildirib ki, Rusiya Ukraynada münaqişənin dinc yolla həllinin tərəfdarıdır. Onun sözlərinə görə, Tramp da öz tərəfindən Rusiyanın sülhə sadiqliyini qeyd edib.