İran Ali Rəhbəri Əli Xamenei nüvə proqramı ətrafında onilliklərdir davam edən gərginliyi həll etmək üçün ABŞ-la danışıqlara meyllənib.
TEREF bildirir ki,Globalinfo.az-ın xəbərinə görə, bu barədə “reuters” diplomatik mənbələrə istinadən məlumat yayıb.

Xəbərdə qeyd olunur ki, İran rəhbərliyi hazırkı vəziyyətdə nüvə məsələsində kompromisə getməyin gərginliyin böyüməsi və ölkənin təhlükəsizliyinə təhdid yaranmasının qarşısını almaq üçün yeganə yol olduğunu düşünür. Mənbələrin sözlərinə görə, Xamenei hərbi qarşıdurmanın bədəlini gördüyü qənaətinə gəlib.

Qərb diplomatları bildirirlər ki, İran hökuməti heç vaxt indiki qədər həssas vəziyyətdə olmayıb. Ölkədə müharibə riski, beynəlxalq təcrid, iqtisadi çətinliklər, su və elektrik çatışmazlığı ilə bağlı narazılıqlar artır. Gündəlik elektrik kəsintiləri və su böhranı bizneslərə ciddi zərbə vurur, bu isə hökumətə daxili və xarici təzyiqləri daha da gücləndirir.