Fələstinin HƏMAS hərəkatı ABŞ Prezidenti Donald Trampın Qəzza zolağında münaqişənin nizamlanması üzrə hazırladığı plana cavabını vasitəçilərə ötürüb.

Bu barədə hərəkatın "Telegram" kanalında məlumat verilir.

Məlumata görə, HƏMAS anklavda saxlanılan bütün israilli girovları azad etməyə və ölən girovların isə cəsədlərini verməyə hazırdır.

Hərəkat üzvləri qeyd ediblər ki, bu məsələni müzakirə etmək üçün vasitəçilərin köməyilə dərhal danışıqlara başlamağa hazırdırlar.

Bundan başqa, HƏMAS Qəzza zolağının idarəçiliyini müstəqil hökumət orqanına ötürməyə razıdır.