Pekində keçirilən "Bir kəmər – bir yol" beynəlxalq forumunda Rusiya prezidenti Vladimir Putinin çıxışı zamanı ofisiantlar süfrəyə çay paylamağa başlayıblar.
"Report" xəbər verir ki, Rusiya lideri nitq ilə çıxış edən zaman ofisiant onun əlinin altına içki qoymağa çalışıb.
"Çin ədəbsizliyi: Forumun iclasında ofisiant Putinə düz onun çıxışı zamanı çay gətirib", — deyə Kreml dairəsindən olan jurnalist Dmitri Smirnov videonu "Twitter"də paylaşaraq bu sözləri yazıb.