Cənubi Koreyanın texnologiya nəhəngi Samsunq ən son çəkdirdiyi tanıtım reklamında Əpl (Apple) firmasına məxsus ayfonları hədəf alıb.

Axar.az xəbər verir ki, Əplin Ayfon-X adlı məhsulunu satışa çıxarmasının ardından yeni məhsulunu reklam edən Samsunq reklamda rəqibini qara piar edib.

“Samsunq Qalaksi: böyümək” adlı reklamda izləyicilərə bir gəncin 10 ildir Ayfon işlətməsi və onun bu müddətdə qarşılaşdığı problemlər çatdırılır. Sonda isə gənc Samsunq məhsulu olan Qalaksi Note 8 alır.

Reklamda şirkətin böyüməsi və rəqibindən bir addım qabaqda olması da vurğulanır.
[media=https://www.youtube.com/watch?time_continue=8&v=R59TevgzN3k]