ABŞ prezidenti Donald Tramp Cənubi Koreya ilə KXDR arasında demilitarizasiya zonasına gözlənilməz səfər etmək istəyib.

APA-nın TASS agentliyinə istinadən verdiyi xəbərə görə, bu barədə ABŞ dövlət başçısını Asiya turnesində müşayiət edən jurnalistlər bildirib.

Məlumata əsasən, səfərin gerçəkləşməsinə qeyri-sabit hava şəraiti mane olub. Göyərtəsində Trampın olduğu helikopter havaya qalxdıqdan bir müddət sonra Seula geri dönməli olub.

Qeyd edək ki, Cənubi Koreyada səfərdə olan prezident Tramp bu gün Çinə səfər edəcək.