Dövlət qurumunun bu tenderini 4 ildir ki - “HUAWEİ” QAZANIR
21-08-2020, 10:30
"Aztelekom" MMC DSLAM avadanlığı almaq üçün elan etdiyi tenderinin qalibini açıqlayıb.
FED.az xəbər verir ki, tenderi yenə də “Huawei Unternational Co.Limited” qazanıb.
"Aztelekom" MMC 26112 sayda ADSL, 8 GPON port tutumlu OLT və 2176 POTS port tutumu yaradılması üçün DSLAM avadanlığının satınalınması üçün “Huawei Unternational Co.Limited” ilə 849 min 455 manatlıq müqavilə imzalayıb. (11.07.2020)
Qeyd edək ki, "Aztelekom" MMC-nin “DSLAM avadanlığı” tenderini 4 ildir ki, “Huawei Unternational Co.Limited” qazanır.
"Aztelekom" MMC “Huawei Unternational Co.Limited” ilə 08.02.2019-da 796 min manatlıq, 27.06.2018-də 800,7 min manatlıq, 31.10.2017-də 510,3 min manatlıq müqavilələr bağlayıb.
4 il ərzində "Aztelekom" MMC ilə “Huawei Unternational Co.Limited” arasında bağlanan müqavilələrin cəmi 2 milyon 956 min 430 manatdır.
