“Təəssüf doğuran məqam odur ki, bu müharibə təkcə cəbhədə və döyüş meydanında getmir. Məğlub olduğunu görən düşmən mülki ərazilərə və yaşından asılı olmayaraq Azərbaycan vətəndaşlarına hücum edir”.

Bu sözləri Təhsil naziri Emin Əmrullayev Türkiyənin “Haber Global” televiziyasına müsahibəsində deyib.

O bildirib ki, bu günə qədər düşmən hücumları 50-yə qədər təhsil müəssisəsinə yönəlib. Doqquz şagirdimiz isə bu hücumlar nəticəsində həyatını itirib.