Qarabağ Qazisi Babək Mürsəlov Laçın rayon icra hakimiyyətinin başçısı Aqil Nəzərov tərəfindən təhdid edildiyini bildirib.

Qazi icra başçısının obyektlərinin qarşısında dükan açdığı üçün ona qarşı təzyiqlər başlayıb. Redaksiyanın elektron poçtuna A.Nəzərovun obyektləri ilə bağlı məlumat daxil olub. Belə ki, icra başçısının Ağcabədi rayonunda Taxta körpü adlanan ərazidə yanacaq doldurma məntəqəsi və kafe, Daşkəsəndə Xoşbulaq yaylağında 3 min baş qoyun ferması, Bakıda Fəhlə prospektində Sarıqaya restoranı, Əhmədlidə Fuad restoranı, Saray qəsəbəsində üçmərtəbəli villa, Əhmədlidə yenitikili binalarda bir neçə mənzillərinin olduğu bildirilir.

Maraqlıdır ki, icra başçısının Laçın rayon YAP təşkilatının sədri üçün ayrılan 10 PN 041 nömrə nişanlı toyota camry markalı xidməti maşını da mənimsədiyi bildirilir. Belə ki, təşkilat sədri piyada gəzir, xidməti maşını icra başçısının ailəsini gəzdirir. //PİA.AZ//