Səkkiz aylıq xarici ticarət statistikası yayılıb. Novator.az bildirir ki, Dövlət Gömrük Komitəsinin hesabatına görə, Azərbaycan 2023-cü ilin yanvar-avqust aylarında 194 ölkə ilə ticarət aparıb, ixrac 24,3 milyard dolları, idxal 11,1 milyard dolları üstələyib, gömrükdən dövlət büdcəsinə 4,1 milyard manatdan çox vəsait ödənib.

Yanvar və iyunda 1,8 milyard, fevralda 2,6 milyard, martda 3,2 milyard, apreldə 4,8 milyard, may və avqustda 3,5 milyard, iyulda 2,8 milyard dollarlıq ixrac qeydə alınıb.

İdxal göstəriciləri belədir: yanvar – 1,4 milyard dollar, fevral və aprel – 1,2 milyard dollar, mart, iyun və iyul – 1,3 milyard dollar, may və avqust – 1,5 milyard dollar.

İxracın 90,9 faizinin neft-qaz sektoruna aid olduğu, idxalda ən böyük payın (19,1 faiz) maşın, mexanizm, elektrik aparatları, avadanlıqlar və onların hissələrini əhatə etdiyi vurğulanır.

Məlumata əsasən, ixracın 4,4 faizə yaxını MDB ölkələrinə, 65,5 faizindən çoxu Avropa İttifaqı ölkələrinə, 30 faizindən çoxu başqa ölkələrə yönəlib, idxalda MDB-nin payı 28,6 faizi, Avropa İttifaqının payı 18,4 faizi, başqa ölkələrin payı 52,8 faizi ötüb.