Qarabağ veteranı əlillik dərəcəsi ala bilmir - ŞİKAYƏT

5-09-2024, 00:09           
Qarabağ veteranı əlillik dərəcəsi ala bilmir - ŞİKAYƏT
Tovuz rayonu, Asağı Quşçu kənd sakini Hüseynov Hüseyn Hacı oğlu tərəfindən Hürriyyet.az saytının redaksiyasına şikayət məktubu daxil olub. Şikayətçi iddia edir ki, əlillik dərəcəsi ilə bağlı müraciətinə haqsız yerə imtina cavabı gəlib:

“Mən, Hüseynov Hüseyn Hacı oğlu, yazaraq sizdən xahiş edirəm ki, problemimi işıqlandırasınız.

1-ci Qarabağ müharibəsi veteranıyam. Avtoqəza nəticəsində ağır xəsarət almışam. Qəzadan sonra Respublika Klinik Xəstəxanasında qolumdan əmaliyyat, qapalı döş qəfəsinin travmasından müalicə olmuşam.

2021-ci il iyul ayında isə qapalı kəllə beyin travması, onurğa fəqərələrinin qəlpəli sınığı diaqnozu ilə Respublika Neyrocərrahiyyə xəstəxanasına köçürülmüşəm. Əmaliyyatdan sonra evə buraxılmışam. Qeyd edim ki, Tovuz xəstəxanasının ekspertiza rəyindən sonra tibbi sosial ekspert komissiyasının rəyindən dərəcə təyin olunmayıb. Ağır dərəcədə yataq xəstəsiyəm”.

Qeyd edək ki, Əmək və Əhalinin Sosial Müdafiəsi Nazirliyinin mətbuat xidməti məsələnin araşdırıldığını və redaksiyamıza məlumat veriləcəyini bildirib.

Aynurə İSMAYIL

Hurriyyet.az













Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru