Ağstafa-Bakı marşrutu ilə hərəkət edən sürət qatarının Ağstafadan Bakıya standart biletin qiyməti 25.20 qəpikdir. Köhnə qatarlar yenilənmiş dizayndan ibarətdir, sürət qatarında sərnişinlərin rahatlığı üçün heç nə yoxdur.

Pravda.az xəbər verir ki, bunu Azərbaycan Milli İstiqlal Partiyasının (AMİP) funksioneri Əli Orucov bildirib.

Onun sözlərinə görə, sərnişinlərə təklif olunan menyuda isə qiymətlər yüksəkdir: "Çeşidlər də çox azdır. Yarım litrlik su, 1 stəkan çay 1 manata təklif olunur. Doğrusu, indiyədək sürət qatarından istifadə etməmişdim. Düşünürdüm ki, ADY şəhərlərarası avtobus marşrutlarının işləməməsindən sərnişinləri məmnun etmək üçün yeniliklər etmək və yüksək xidmətlər göstərmək üçün bir fürsət kimi yararlanacaq. Ancaq görünən odur ki, beynəlxalq standartlardan hələ çox uzaqdır".