Bu ilin mart ayında Azərbaycanın mobil cihazlar bazarında “Samsung”un payı 28,69 % təşkil edib.

“Statcounter” agentliyinin mart hesabatında xəbər verlir ki, bu, fevral ayına nisbətən 0,32 faiz bəndi azdır, bir il əvvəlki göstərici ilə müqayisədə 0,45 faiz bəndi çoxdur. Beləliklə şirkətin bazar payı ardıcıl olaraq dördüncü aydır azalır.

İkinci pillədəki “Xiaomi”nin bazar payı aylıq müqayisədə 0,14 faiz bəndi və illik müqayisədə 1,6 faiz bəndi artaraq 23,76 % olub.

Növbəti sıradakı “Apple”ın bazar payı aylıq müqayisədə 0,40 faiz bəndi, illik müqayisədə isə 2,73 faiz bəndi artaraq 19,09 % təşkil edib.

Dördüncü pillədə qərarlaşan adları açıqlanmayan brendlərin payı aylıq müqayisədə 0,12 faiz bəndi, illik müqayisədə 9,79 faiz bəndi azalaraq 17,26 % olub.

İlk beşliyi 5,1 % bazar payı ilə “Honor” qapayır. Onun bazar payı əvvəlki aya nisbətən 0,03 faiz bəndi, bir il əvvəlki göstərici ilə müqayisədə isə 3,3 faiz bəndi artıb.