Xəzər dənizində sahəsi 82 kvadratkilometr olan ləkə peyda olub.

Oxu.Az xəbər verir ki, bu barədə "Ostorojno, novosti" "Telegram" kanalına ekoloji təşkilatlara dəstək verən "Prozraçnıy mir" layihəsinin iştirakçıları məlumat veriblər.

Qeyd olunur ki, ləkə saat 05:43-də Sentinel-1A radiolokasiya görüntüsündə müşahidə edilib. O, neft və ya balıq tullantılarından ibarət ola bilər. Ləkənin dəqiq sahəsi 82,5 kvadratkilometr təşkil edir. O Port Kurık-Bakı gəmi xətti boyunca uzanır və Azərbaycan və Qazaxıstanın sektorlarını əhatə edir.

"Bu, artıq suda təsadüfi "çirkli zolaq" deyil, Xəzərin xəritəsindəki tam bir qara ləkədir", - layihə iştirakçısı bildirib.

Onlar narahatdırlar ki, bu cür emissiyalar davam edərsə, dəniz buna tab gətirməyəcək.